治療師後感:冬日戀曲-跟自己戀上,可以嗎?


收到兩篇參加者後感,兩者南轅北轍,其中一篇係享受嘅,另外一篇係痛苦嘅。大家都是躺在同一場地,聽著同一樣的頌缽聲,點解出嚟嘅效果,差別可以咁大?

西藏頌缽療法演奏會嘅特色,是帶有強烈的療癒效用,因應現場人士嘅不同狀況及需求,產生不同效果,身心或許有激烈的反應,並非單純舒適地瞓一覺便算。

「冬日戀曲」嘅創作目的,是希望在2019年的終結,引領大家進入內在,發現、清理及更新囤積阻礙自己的陋習、觀念、要放低或重新定位嘅關係,將自己嘅健康幸福,擺放喺重要嘅位置,好好照顧自己,好好愛自己!呢篇戀曲,係畀自己聽㗎!

這篇戀曲以輕快的調子開始,隨著參與者的反應,頌缽的聲音漸趨沉重,散發出一種困、困頓、被困、困境的訊息…以香港現時的狀況來說,對個人、關係、家庭、工作、前景的衝擊,這「困」並不難理解。

事前應承大家會盡量輕手,但因應需要,略為加重力度,每一下敲打都帶著祝福及希望,務求將這「困」打開一個缺口,雖然未知下一步點走,以及結果係點,請勿灰心,保持平靜,認清自己嘅需要,要放低嘅就放低,要爭取嘅就爭取,以行動努力地一步一步咁行,轉變亦會微妙地發生!

演奏會結束後,大家嘅分享迥異:有的感覺愉快,有的睡了一覺充了電,有的想瞓但又瞓唔到,有的年紀大骨頭硬掛住我張頌缽床,有的感受到身體舊患微痛,有的感受到電流通過,有的看到不同顏色的光,哈哈,有的痛到想嗌回水!Wakaka,頌缽演奏就是如此個人化,如此精彩啊!😁😁😁

有參加者聽到劉青雲嘅聲音時見到白光,我特意敲多次劉青雲嘅原音畀大家聽,讓大家比較下劉青雲在演奏會時的不同,更能明白及體會到點解我要加大力度。😅😅😅 

最窩心嘅係之後跟大家拍照留念。同每個唔同party合照時,勾起過往跟大家相遇的點點滴滴,感恩生命路上能透過西藏頌缽及催眠治療跟各位有緣遇上。有時我會諗,究竟我嘅出現,講嘅說話,所作嘅溫馨提示,會為各位帶嚟什麼影響?這影響又會有幾深遠?真係好想知。😄😄😄

再次感謝大家對我嘅信任同支持!感恩每次能相聚的機會!感恩沿途有你!大家都要幸福快樂呀!噹~

留言

這個網誌中的熱門文章

『Stardust - Relax & Recharge』 ─ 深層放鬆工作坊 — 已🈵

(第四十四屆) 西藏頌缽療法工作坊(初階) (撤回)🤣🤣🤣

怎樣才能增強頌缽的力量