發表文章

目前顯示的是 一月, 2017的文章

西藏頌缽療法進階班 實習課2.0 - 導師課後感

圖片
完成了"被安排"的實習課2.0,哈哈,雖然因抱恙而很倦很倦倦到跟周公子把臂同遊,係呀,真係攬住個cushion瞓着咗,但很滿意同學們的表現,確實令我驚喜萬分!

我看到的,是同學們真的很努力去改進自己,無論發問技巧,還是在治療的設計上,二人均有進步,表現流暢,欠缺的只是臨床經驗及最重要的:信心!

要相信自己,淡定的抓穩每組陣式的用意,其餘的,哈哈,便是要相信頌缽這位好拍檔,放心交畀頌缽完成你交畀佢嘅任務。

更加要相信自己的能力及所學,面對旁人的質詢,要抓緊宗旨,別讓他人將他們的理念强加諸於自己身上,要懂得過濾,有些說話及荒誕的言談,真是聽完便算,專心做返自己應做嘅嘢便可以了。

既然係2.0升級版,某些動作的要求亦相對提升,係時候要鍛煉那份柔中帶剛的連綿內勁。到可以駕馭時,亦是可以升呢學更難掌握的技巧。同學們,畀心機練習呀!

我更看到同學們對我的關心,那熱騰騰的自家種蕃薯,甜在心的蛋糕,好意,收哂!亦多謝大家嘅捐贈,今次收到嘅善款如我所說,將會捐贈到慈善機構,為遠方山區嘅朋友再次感謝大家!

另外,持有DD的同學請注意,為師約於一個月後攪DD應用班,有興趣的話請舉手及努力練習,唷~

尋寶·要趁有氣有力(4) - 遊山玩水吞pork中

圖片
12.1.2017

嚟到Pokhara,
攞正牌跟老師遊山玩水。

老師有兩位朋友跟我們一同遊玩,
他們三個加埋,
哈哈,簡直如【作死不離三兄弟】的主角一樣 ,
看見他們那率性樂天的性格,
任何事都可以大笑一餐,
我也不由得被感染了。

他們帶我去不少特別的地方,
爬洞穴,到特色古廟,
參觀廟宇內堂,
到local人的餐廳,
這是跟當地人一同遊玩才能發掘的地道生活。

明天便要回到塵埃飛揚的加德滿都了,
有點捨不得…

尋寶·要趁有氣有力(3) - 隨遇而安

圖片
11.1.2017

老師話識咗我咁多年都未同我去玩過,
話要帶我到Pokhara玩,
至於未搵齊嘅頌缽,
叫我放心交畀佢。

我見他興致勃勃,只好順他意。
況且佢既然咁講,
我亦只好隨遇而安,
於是今日就坐他車去咗Pokhara。

都唔係好遠啫,
只係揸咗七個鐘頭車,
無錯,係七個鐘頭,
坐到我在後座都不知瞓咗幾多次覺…

嗱,各位同學,
如果我今次真係咁唔好彩搵唔齊頌缽嘅話,
唔關我事㗎,
係你哋師公安排㗎,
千萬唔好怪我!

為師奉勸你哋一句,
哈哈,都係練習定猜包剪揼實際啲,噹~ :)

尋寶·要趁有氣有力(2) - G,全部都係G

圖片
10.1.2017

昨夜睡得很安穩。
氣溫雖冷,但被竇暖笠笠,
跟第一晚睡在雪柜般差天共地。
順帶一提,我所住的Rokpa Guest House是為婦女及孤兒籌款的慈善機構,
既有舒適的地方住又可以幫人,
真的一舉兩得,值得推薦!

吃過豐富的早餐,
便開始我的refresher course。
溫故知新之餘,
亦多了些領悟,
果真是學無止境!

課後終於到此程的主菜:揀缽!
走進老師塵埃飛揚的貨倉前先戴上口罩,
但未揀到一半已經開始打乞嚏,
個鼻真係辛苦到呢,
亦開始盤算回港要用滴露洗晒我所著的衫…

本來事先已告訴老師我需要的頌缽數量,
不羈放縱愛自由的他每次都應承為我準備,
哈哈,結果當然係…無啦,
要靠運氣睇下佢個倉有咩好貨,
如果唔係,哈哈,邊算係尋寶呀?

而今次他為我準備的缽有大量G Bowl,
拎起每3隻缽竟有1隻係G!
E Bowl的情況最悽慘,
只得一隻…

我望住堆缽,
唉,除了苦笑就是苦笑,
希望在我走之前畀我揾齊所要的缽,
否則,哈哈,真係要我啲學生猜包剪揼決定邊個可要冷門缽,噹!

尋寶·要趁有氣有力(1)―凍到呢

圖片
9.1.2017

我的頌缽尋寶之旅開始。

昨夜乘夜機來到加德滿都,
老師首次來接機,
哈哈,還是首次他等番我轉頭,
竟有點感動!

他送我到為我book的guest house,
還是首次在Boudha過夜。
誰知間房無暖氣,又大,
冷冰冰好似雪房,
凍到我成條雪條咁,
整晚不能安睡,
今天一早便執好行李要揾地方搬。^^

慶幸今日天色明朗,
跟老師在佛塔附近吃了一頓美味的早餐,
主角當然不是早餐,
而是重建後的佛塔。

上年三月來的時候,
佛塔因地震受破壞在努力重建,
今次再來,佛塔在晨光中閃閃發亮,很美!
加上有大型頌經儀式在進行中,
僧侶們的頌經聲有一股力量,
像在顯示破壞後重生的力量:
Revive and Alive,
不正是我兩間工作室的名字嗎?有意思!

早餐後畀老師捉咗我上refresher course,
由基本手法開始教過我,
真係估佢唔倒。
細心觀察下,
發現老師的手法跟以前不同,
竟變得更溫柔了,
這亦是頌缽奇妙的地方,
學無止境,
不停的成長,
昇華到不同的層次及階段,
令我對頌缽有更深領悟。

結果,哈哈,今日我掛住上課,
係無揀到頌缽的,
希望今晚可以瞓覺好嘅,
明天再努力尋寶,噹~

學員分享 - 遲來的第八屆西藏頌缽療法初階分享

圖片
收到S寄來的分享,真的以為自己眼花。我所舉辦的西藏頌缽療法初階,已經舉辦到第19屆,哈哈,想不到現在才收到第8屆即一年前的學生所寫的分享。而且,嘩哈哈,S的文筆真的很"特別",活像文言文般沒有標點符號,要我替他加上標點及分句分段。

雖然文章寫得簡單,但意簡言賅,完全感受到他的誠意,特別係對比起那些應承了我寫感想但最終冇影的學生,確實難能可貴,實在萬分感謝!

他的分享中提及買缽的問題,亦是我舉辦課程時所遇到的難處。我所教授的是傳統手法,加上個人的要求及對質量的堅持,只會使用手造古董缽,每只缽都是親身飛往尼泊爾在我老師的貨倉中逐隻挑選的,真係每隻都是我的心血,所以只會賣給學生及熟客,以確定他們會好好利用這頌缽,而且買一套會比買一隻相宜。

價格嘛... 唔... 貴嗎?見仁見智吧。曾有學生問我為什麼我賣的頌缽咁貴,言下有質問之意,唔... 老實說,我聽了後有點不快,好像完全沒有顧及我手上每隻缽得來不易的艱辛。每次入完貨倉,我都會被污濁的空氣及灰塵攪到病,況且,對比起坊間那些動軏四、五千的新造缽,以及古董手造缽買少見少,唔... 你懂的。不過,亦明白每人也有自己的預算,咸魚青菜各人所愛,自己喜歡便成了。且看看這篇由時空門送來的學生分享。

學員分享 - 遲來的第八屆西藏頌缽療法初階分享

由於從網上得知以往不同學生的遭遇和境況和我非常相似,所以報讀了這個課程。

上課後一年才出文是因為4個多月後才買到合適的缽去體驗課堂上所學。

打缽就像催眠曲,每天晚上讓我順利入睡,在我半夜醒來 (一般是零晨 4、5 點),用課堂上所學那些最簡單招數,是最直接最有效,打10-15分鐘後可重新使我再入深睡 1-2 小時,足已。

老師佷好,我感受到她無保留。

唯一可說的是老師沒合適"價格"的缽讓我買,要找合適的要看緣份。

[淘X上那些RMB3xx-5xx的,算了吧]