發表文章

目前顯示的是 一月, 2015的文章

『送舊迎咩』─ 集體催眠治療工作坊

圖片
舊的不走新的不來,羊年將至,你想送走咩野?迎接咩野呢?

是次『送舊迎咩』 集體催眠治療工作坊為大家提供一個跟心靈溝通的好機會,齊齊靜下來,將心底的垃圾打包剷走,騰出空間儲足精力,迎接在新一年想達成的願望。

時間係唔會等人的,與其虛秏光陰跟老問題亂纏,不如下定決心將它整理、解決,畀番o的空間、畀番o的目標自己,一於在新的一年得心應手,要咩有咩!

本工作坊名額有限,快o的報名啦!咩~~~  :)



『送舊迎咩』─ 集體催眠治療工作坊
日期 : 2015 年 2 月 12 日 ( 星期四 )
時間 : 下午七時三十分至九時三十分
地點 : 上環永樂街8號萊德商業中心6樓B室
費用 : $280
付款方式 : 即場現金支付
報名方法 : 請將個人姓名、聯絡電話及電郵號碼,電郵至 info@bealive.hk 。成功報名者將收到確認電郵通知。名額有限,額滿即止 。

對象
想享受一個輕鬆的晚上、減壓、深度放鬆、洗滌心靈、為自己充電及對催眠治療感好奇及有興趣的人士

工作坊特色
以小組形式進行,參加者可以積極參與及分享

內容包括
• 小組集體 『送舊迎咩』催眠治療體驗及享受
• 催眠後分享

導師
Serina Mak ,臨床催眠治療師。於美國修畢催眠治療,師承 Randal Churchill , Marleen Mulder,已故催眠治療大師 Ormond McGill 及 Gill Boyne ,取得臨床催眠治療師證書,並獲美國催眠醫師考試局 (American Council of Hypnotist Examiners) 的臨床催眠治療師資格,具豐富催眠治療經驗。

查詢 : info@bealive.hk 或 9014-3122
備註 :1. 名額有限,額滿即止
2. 請攜同確認電郵出席
3. 場內提供軟蓆以供躺下,請穿舒適的衣服

窩心的客戶分享:背叛.信任.尋回甜美笑容

圖片
等到頸都長,哈哈,在2015這新的一年,終於收到一篇客戶感想,對久未收到客戶感想的我來說,實在太感動喇!
人與人的關係建立在信任的基礎上,一旦信任瓦解,便可能釀成悲劇,特別是另一半的背叛,所帶給我們的震驚與沮喪,甚至可以持續好幾年。若不好好處理,當中產生的不安定感,更可能跟隨你一輩子。

T是位性格爽朗、笑容甜美的女子,卻被老公有外遇的不幸弄得整個人憔悴不己,甚至對自已失去信心,怕出街、怕上班、怕面對人,焦慮得不能入眠、不能進食,甚至覺得生命再沒有意義......

其實T是一個令我擔憂的個案,陪著她經歷跟老公如坐過山車的感情發展,說真的,稍有不慎,便不會有今天能走出困境的局面。我一向處理個案的方式,是出於對方的自願性,要來便來,不來便算,怕被人誤會我R生意(對不起,諗唔到比R更傳神的字,若有更合適的字請提供 :p),唯獨T,哈哈,我卻是半強逼著哄她上來,為甚麼?真的不想值得活得更好更幸福的她受此折磨。

在五節催眠治療中,看著她的轉變,由不願放棄,到重新審視跟老公的關係,再了解自己的需要,變得更堅強、更自信,跟身邊的人建立聯系,終能將此段已死的婚姻放下,讓自已恢服過來,重新上路,重新振作,做番自已。
放下執著,從經歷中學習,得到的卻會更多。T的經歷究竟如何?大家一齊睇睇吖。

背叛.信任.尋回甜美笑容
當初搵 Serina係因為我當時離婚,情緒真係好差,食唔倒瞓唔倒,好怕出街,因為我好怕見到我老公。我就上網搵心理醫生,見到 Serina 係催眠治療師,我就抱住好奇心去試一試。其實網上有好多,但係我唔知點解想搵 Serina。
第一次見 Serina,我選擇用平和方法。因為Serina好耐心咁解釋o左俾我聽,而開頭佢都用o左好多時間了解我背景,真係大鑊過廉政公署。
第一次做完我已經放鬆左。其實我一星期做一次,由開頭冇胃口,瞓唔倒變得瞓得食得,仲會有番笑容。同埋我好感動係我有困難佢真係會幫我,真係會send message 俾我好關心我。
我最後都有用激烈D果隻方法,我同自己細個再溝通過,原來我一直都冇好好原諒自己。我而加對自己好好呀,因為我了解得自己更加多。工作上的壓力,Serina都幫我解決o左好多,明白o左好多野。
我覺得自己好好彩,揾到Serina,佢真係好好好人,真係關心病人,o係我最失落o既時候,佢幫o左我好多!愛死佢!
Ps. 佢個人成日笑,搞到我對住佢都成日笑 wakakak…