佛系買缽2018(5) - 寶物沉歸底
2018.04.19 Boudhna
我相信神龍老師係識魔法㗎！
離開頌缽工場，稍事午餐，便回到神龍老師的 藏寶儲物室。他好似變魔術一樣，拿出三大堆頌缽，說我所欠缺的D及E應該可在內找到。昨天明明已試齊儲物室內所有頌缽，不知他從哪裏變出這批頌缽讓我嘗試。
今日他親自陪我挑選，進度快好多。他見我敲一敲 、磨一磨，皺一皺眉，就已經自動將那隻不合我心水的頌缽拿走，替我換上另一隻作挑選，這亦是我倆合作多年的默契。今次收穫甚豐，有不少質素很好頌缽，連甚難配搭的小缽，也找到了兩套。老師亦奉獻出兩隻special sound的珍藏頌缽，叮囑我要自己收藏，不要賣給別人。其中一隻頌缽，已成為我現在治療時出場率甚高的夥伴，有一種能夠給人“no big deal”、"I don't care"、"放下"的奇妙力量；另一隻則尚未有時間試用。 (汗顏中...)
挑選好頌缽，亦揀了一批音質清脆悅耳的tingsha，喜歡它們的單純，並無任何刻記及裝飾圖案，質素比我上次買的那批更好。
老師問我要唔要頌缽棒及cushion，有見明天便上山，沒有時間到市內尋找，況且盛情難卻，所以一并向他訂購，誰知這便出事了，唉…
挑選好貨物，到埋單的時候，嗚嗚，很貴呢！我不夠現金，要簽信用卡繳付餘下款項，誰知神龍老師店中的信用卡機壞了，他張羅了一輪，向一位賣唐卡的朋友借機。那朋友收我8％ 信用卡附加費，話係全數畀銀行，他絕對冇任何獲益。沒法子，唯有忍痛碌多呢8％，是真的，真係好肉赤…
買完貨，就到托運了。神龍老師手上的棒棒及cushion不足，想我臨回香港前才托運。我堅決說不，因為好想好想好想在今日將事情結束，唔想再拖拖拉拉，要我再來多一趟，又會花費我一整天的時間，實在萬分不願。神龍老師唯有找來運輸公司的代表，說明狀況，那批棒及cushion的重量，則以估計方式來計算。
那友善的大眼仔是相識的，每次來尼泊爾都是由他幫我pack貨運貨。他對這計算方法沒有異議，笑笑口咁與同事幫我將頌缽們搬到他的鋪頭替我pack貨。計算運費時，竟用我上年托運時的價錢，冇加到我價，真係好窩心！
點知到碌信用卡嘅時候又出事，他那棟大廈停電，碌唔到卡。「 唔緊要，」他淡定的說。「我向我朋友的鋪頭借他的卡機來用，他的鋪頭有發電機，應該冇問題，你跟我嚟吖。」
我便跟住大眼仔走，哈哈，聰明的你應該估到佢帶咗我去邊度，係呀，又係果間唐卡舖頭！店主對我說：「 又係你？」我真係忍唔住大笑，真係黑仔到呢！
大眼仔唔明我哋發生乜嘢事，店主跟他講解，大眼仔聽後都忍唔住笑。佢見我咁慘，㩒下部計數機，諗一諗，好好人咁話每人一半，幫我出4%手續費。我真係好感動，如果下次再去尼泊爾，一定會買份禮物畀呢位小天使！
辦理好托運，再搵神龍老師，將我自己帶回香港那30kg貨pack好。他說會把10個cushions送到Fuji Hotel，方便我pack行李寄艙時能保護頌缽，免受碰撞。
為免打擾老師準備到泰國的事宜，我便打退堂鼓，他替我把那沉重的行李送上的士，便跟我道別。我棒著那30kg頌缽回Fuji Hotel，寄存好，哈哈，大功告成，忍不住好麻甩咁買了罐Everest Beer啤啤佢，慶祝今次佛系創舉，真係緣份到，自然會買到頌缽，噹~
離開頌缽工場，稍事午餐，便回到神龍老師的 藏寶儲物室。他好似變魔術一樣，拿出三大堆頌缽，說我所欠缺的D及E應該可在內找到。昨天明明已試齊儲物室內所有頌缽，不知他從哪裏變出這批頌缽讓我嘗試。
今日他親自陪我挑選，進度快好多。他見我敲一敲 、磨一磨，皺一皺眉，就已經自動將那隻不合我心水的頌缽拿走，替我換上另一隻作挑選，這亦是我倆合作多年的默契。今次收穫甚豐，有不少質素很好頌缽，連甚難配搭的小缽，也找到了兩套。老師亦奉獻出兩隻special sound的珍藏頌缽，叮囑我要自己收藏，不要賣給別人。其中一隻頌缽，已成為我現在治療時出場率甚高的夥伴，有一種能夠給人“no big deal”、"I don't care"、"放下"的奇妙力量；另一隻則尚未有時間試用。 (汗顏中...)
挑選好頌缽，亦揀了一批音質清脆悅耳的tingsha，喜歡它們的單純，並無任何刻記及裝飾圖案，質素比我上次買的那批更好。
老師問我要唔要頌缽棒及cushion，有見明天便上山，沒有時間到市內尋找，況且盛情難卻，所以一并向他訂購，誰知這便出事了，唉…
挑選好貨物，到埋單的時候，嗚嗚，很貴呢！我不夠現金，要簽信用卡繳付餘下款項，誰知神龍老師店中的信用卡機壞了，他張羅了一輪，向一位賣唐卡的朋友借機。那朋友收我8％ 信用卡附加費，話係全數畀銀行，他絕對冇任何獲益。沒法子，唯有忍痛碌多呢8％，是真的，真係好肉赤…
買完貨，就到托運了。神龍老師手上的棒棒及cushion不足，想我臨回香港前才托運。我堅決說不，因為好想好想好想在今日將事情結束，唔想再拖拖拉拉，要我再來多一趟，又會花費我一整天的時間，實在萬分不願。神龍老師唯有找來運輸公司的代表，說明狀況，那批棒及cushion的重量，則以估計方式來計算。
那友善的大眼仔是相識的，每次來尼泊爾都是由他幫我pack貨運貨。他對這計算方法沒有異議，笑笑口咁與同事幫我將頌缽們搬到他的鋪頭替我pack貨。計算運費時，竟用我上年托運時的價錢，冇加到我價，真係好窩心！
點知到碌信用卡嘅時候又出事，他那棟大廈停電，碌唔到卡。「 唔緊要，」他淡定的說。「我向我朋友的鋪頭借他的卡機來用，他的鋪頭有發電機，應該冇問題，你跟我嚟吖。」
大眼仔唔明我哋發生乜嘢事，店主跟他講解，大眼仔聽後都忍唔住笑。佢見我咁慘，㩒下部計數機，諗一諗，好好人咁話每人一半，幫我出4%手續費。我真係好感動，如果下次再去尼泊爾，一定會買份禮物畀呢位小天使！
辦理好托運，再搵神龍老師，將我自己帶回香港那30kg貨pack好。他說會把10個cushions送到Fuji Hotel，方便我pack行李寄艙時能保護頌缽，免受碰撞。
為免打擾老師準備到泰國的事宜，我便打退堂鼓，他替我把那沉重的行李送上的士，便跟我道別。我棒著那30kg頌缽回Fuji Hotel，寄存好，哈哈，大功告成，忍不住好麻甩咁買了罐Everest Beer啤啤佢，慶祝今次佛系創舉，真係緣份到，自然會買到頌缽，噹~
留言
張貼留言