參加者後感:Not Alone 的閨蜜.頌缽.慶生.一期一會



美女與野獸 缽cation 後,野獸曾經問我,點解唔喺嗰篇後感中寫上胃部不適食滯咗的美女在過程中得到舒緩,張開眼第一句就係嗌:「好肚餓!」原因好簡單,哈哈,呢一類嘅治療後感應該由參加者親自寫出,咁樣先有說服力,否則只係治療師大吹法螺🐚吧!呢一篇,就係真正參加者第一生寫出治療對她的正面轉變,這樣才有真正的感染力。😘😘😘


每一場 缽cation 都係為參加者嘅精心策劃,根據佢哋嘅需要及對佢哋嘅了解而決定內容,呢一場慶生缽cation,就好想為欠缺自信及怕孤獨的H加添對自己的確認及正面的能量。

在這一年,陪伴及見證著H由哀傷低谷中慢慢走出,由過份依賴耍小性子到開始有自立、欣賞自己及較成熟的處事能力,一路走來雖不容易,但逐漸見到成果,這是令我感恩的,更想你知道,可以選擇把重要位置留給在善中相識的人,其餘的無謂人,讓他們隨風消逝吧,別忽略自己的真實感覺呢,you are not alone🎈🎈🎈!

且看看H的真心分享~噹~🌟🌟🌟

參加者後感:Not Alone 的閨蜜.頌缽.慶生.一期一會

早前看到Serina有不同主題的缽cation ,而我想今年生日可以放鬆啲,開心啲,所以就向她提出想搞個生日 缽cation 。

她問我有無閨蜜和我參加,其實我有啲怯,本來想自己去咋,有無人肯同我參加呢?

結果同我去嘅人身份好特別,是我舊同學,亦係介紹我入去佢公司返工的人。🥰 我問佢我生日佢得唔得閒,我要帶你去一個地方,咁佢就俾我賣豬仔去咗!🤣

去到嗰度兩個人傻更更咁,我朋友係無聽過頌缽的,首先Serina就問我哋點解會嚟呀,我朋友有乜需要要嚟。我就答:「因為佢工作家庭都好忙,所以要輕鬆下😇。」

因為我朋友係我上司,咁Serina就問佢覺得我去咗佢公司做覺得點呀,聽到我越嚟越熱🤪,因為我聽到緊張😓。

朋友好老實道出我好易鑽牛角尖,係咁不停鑽,我就話係呀,我好易只望到張紙的一點,而望唔到整張紙😝。
我朋友就安慰我,話我其實做到,因為唔肯問,所以到最後仲衰。老師又道出我自信心不足的問題,然後我倆大約講下對 缽cation 的期望就開始啦⋯⋯

由於樓下有電鑽聲,老師初時都擔心會影響我們的聽缽過程,點知佢叫我哋慢慢呼吸,再講下星空,繁星點點,我們已經瞓著咗!

其實話瞓咗覺,我好似仲有啲知覺嘅,然而又好似聽唔到老師講啲乜,頌缽聲音好好聽,係令我輕鬆的,個腦清空的感覺。

到一個大缽放喺我身上嘅時候我就醒返啲,感覺到缽的震動喺我身上心口震到落去地下,個缽又重,又諗老師好勁喎,咁大個缽都磨得掂!

事後老師話我overthinking,本來要輕鬆仲諗乜。其實我心口一向有啲緊,中醫一向話我心肺不通,老師話佢初初幫我心口磨頌缽的時候都唔順的,慢慢先得🤏。

我鑽牛角尖的時候就會胸口好痛,會連帶肩膀都會痛,唔識唞氣,有人同我講過人唔呼吸就會死,所以唔怕個人唔呼吸,而我諗到係其實我哋有無好好去呼吸過?

當你呼氣的時候,情緒就會隨之呼出,可以想像所有不快,所有負面情緒都呼出來,其實這些老師有教我,有無去實踐,有無活在當下,都是我的選擇。

好啦,重回到頌缽的旅程,我當中隱約係見到橙黃色的光,由心心變了做一個圓形。

再有一個大缽放在胃部的位置,我即時感到左邊膝頭有跳動,之後嗰下係感到直通我左腳,再來係右腳膝頭,尾龍骨都有跳動,手有啲痛的,特別係手腕,然後老師又再敲起「劉青雲」,佢係一個大鑼,好厚好大的震動,感到成間房都係佢的聲音,好震憾的。

然後有一些「弦樂」的聲音咁,我唔知老師點演奏,慢慢我又想瞓覺,佢有特別提到天上有眾多星星,有它們陪伴,就不用再怕黑夜🥰。我又看到個星空,有一啲極光圍住,然後又瞓過啦😂。

完成之後覺得好舒服,完全唔想起身,然後老師就問我們感想,我就大約講下以上影像,我朋友都話佢放鬆咗,佢事後同我講,佢有甲亢呢個病嘅,之前趕job嘅時候,佢感到自己就快發作。聽完之後,佢覺得係放鬆咗,應該唔會發作啦!同埋佢都好認同老師嗰一套,我都感到好開心😇。

成個活動完咗之後,我有向老師提議搞個【周星星缽cation】(我成日亂講嘢嘅🤣)。

今個生日我過得好開心,亦體驗老師的話:I am not alone😇!


P.S. 我活動完咗行去我舊公司對面,望住舊公司大廈的門口,好大個「222」喺我眼前,原來天使一直響我身邊,而我自己完全唔知道。有好多經歷都係過咗回頭一看,先發現嗰時嘅自己原來係咁叻,要有呢啲經驗先會成為今日的自己,大家就好好過日子吧!

留言

這個網誌中的熱門文章

怎樣才能增強頌缽的力量

Couple Bowlcation - 夫婦.頌缽.婚慶.一期一會(已滿)