學員分享:西藏頌缽療法初階 - 搣匙有問題


我對學生有一定嘅要求,每一個報名或表示想學習嘅同學,我都會簡單問對方一些問題,了解佢嘅學習動機。 當中有些作答得超簡短、無誠意、想一步登天又或並非想學藏傳手法的,已經喺過程中刪走。

呢位同學喺最初嘅交涉過程中,已令我留下深刻印象。佢係唯一一個會錄音給我,而不是留文字式的短訊,每一聲的「搣匙」都十分誠懇。我當時都覺得奇怪,點解佢唔直接打電話同我傾,又唔直接寫短訊畀我,直至見面時,哈哈,謎底終於打開,原來係...😂😂😂

呢位同學對頌缽十分有興趣,早已在坊間買咗隻佢覺得好聽嘅頌缽,帶埋嚟上課。這為我提供咗好好嘅反面教材,係呀, 有實物比較下,才能顯出優質古董缽優勝之處。 請看看呢位同學嘅分享吖!😉😉😉

學員分享:西藏頌缽療法初階 - 搣匙有問題

我在兩年前因接觸過頌缽,所以好想學,有幾次在網上找頌缽課程學時,總是找不到很多關於頌缽課程的資料,於是我亦無再多找。就在2019年11月17日晚上我又再次上網找時,竟然給我見到Serina個頌缽課程,直覺話給我知,係佢了,我要跟佢學。但好可惜,她已經暫不開課程住。

唔知係唔係上天安排佢做硬我老師😉,竟然遇到一個無心學的人後,反而促成左Serina幫我開咗呢一堂課。而好幸運地我喺同一日嘅晚上收到訊息,我已經搵到partner可以同我一齊上堂啦。

我好開心我可以找到一個用心教導我哋嘅老師,在這兩堂課內學到好多關於頌缽的知識同運用。亦好開心遇到一個同我一樣有好多問題問嘅partner。我哋一拍即合,巳經約咗12月一起學頌缽中階了。

留言

這個網誌中的熱門文章

靈魂年齡 (Soul Age)

窩心的客戶分享 — 頌缽覺醒

怎樣才能增強頌缽的力量