學員分享 (不分上下篇) - 第十一屆西藏頌缽療法初階

不分上下的B同學也交稿了。

第十一屆是特別的一班,兩位同學都好勤力咁拎住我借畀佢地隻頌缽實踐,仲會交換互用,哈哈,務求將頌缽在交還前物盡其用。在她們身上,我看到自已淡淡的影子,就是那種探求及explore頌缽力量的冒險精神,不停搵身邊的人試驗,亦從實踐中找到原來可用頌缽幫助其他人那份滿足。

且看B同學的課後分享,同學們,中階班見!噹~

p.s. 節目預告:尚在為13班的女同學徵求拍檔。如果你係女生,又對傳統的西藏頌缽療法有興趣的話,歡迎你報讀『第十三屆西藏頌缽療法工作坊(初階)』,不妨致電或留名給我。詳情請瀏覽: http://alivehappiness.blogspot.hk/2016/09/blog-post_8.html

學員分享(2) (不分上下篇) - 第十一屆西藏頌缽療法初階

一直對頌缽的認識都十分片面,唔知點先叫啱點叫做錯,更加唔知頌缽除咗好聽同有vibration之外仲有咩用途。一直尋找可以俾我認識多一d頌缽嘅地方都遲遲未落到決定,直至緣份將我,另一位同學同Serina老師帶埋一齊。

點解係緣份就留俾我同學仔講啦﹗我喺呢度就實際d講下課堂上嘅事。初階課分兩日上,每節3.5小時。第一日上到老師的工作室,發現老師唔止實行小班教學,而係超小班教學。正正因為呢個超小班教學,我地有更多嘅機會去感受、實踐及思考。 另外,我同同學仔都係識d唔識d咁嚟上堂,所以上堂期間問題特別多。老師除左不嫌其煩咁解答我地嘅問題之外,仲會引導我地思考,令我地明白背後嘅邏輯,最後令我地原本3.5小時嘅課堂嚴重over-run!!!

最後想分享嘅係課程整體嘅內容。課程理論及實踐比例恰到好處,老師著重引導我地思考,令到我地明白每一個動作及法則嘅原理。原本只係諗住上堂識多少少,最後竟然可以動手為朋友設計及進行頌缽治療。 雖然認識頌缽嘅時間還短,但已經被佢嘅力量吸引住。希望你都可以認識到頌缽嘅energy,並感受佢帶嚟嘅平安及喜悅。

Namaste!
Bonnie

-- 學員分享 (不分左右篇) - 第十一屆西藏頌缽療法初階: http://alivehappiness.blogspot.hk/2016/09/blog-post_22.html

留言

這個網誌中的熱門文章

學員分享:西藏頌缽療法初階-好有心、好有心、好有心嘅有心人

怎樣才能增強頌缽的力量

休假啟示:25.11 - 11.12.2019