不丹治療手記(九) – 地獄與天堂

4月10日，到天字一號柴房居住的日子終於來臨。 早上獲告知當日渡假村客滿， 要將我所住的客房充公。 我好可憐咁收拾細軟， 搬進天字一號柴房。

我一點也不介意房間簡陋， 只要乾淨便可以了，唯一不習慣的， 是工作完身水身汗無得洗頭沖涼， 以及地點跟渡假村有一段距離， 要走一段較暗的斜路， 晚上回去更衣準備頌缽演奏會比較麻煩。

群聲拱照土耳其之夜

這夜的頌缽演奏會很精彩， 全院滿座，有的參與者更沒位置躺下，要坐在椅子上， 哼，等魯芬初時仲預我最多得5-6個人， 事實證明我攪既節目係受歡迎o架！ 不過佢真係好過份，收多了人也不事先通知， 等我要執生即時安排位置給這些參與者。

因人多的關係，較多的鼻鼾聲此起彼落， 哈哈，其中有些鼻鼾聲甚至比我的頌缽聲更響亮， 令在場的參與者禁不住爆出笑聲， 我要停一停，等一眾聲音完了再奏樂， 真係好互動，好好玩。

奏樂完畢，大家都很雀躍， 特別是那班十幾人的土耳其朋友， 興奮的四處張望，聲言要找出剛才鼻鼾聲最響的人出來， 笑到我彎下腰來，今晚的氣氛真係好好呀！

我帶著笑，摸黑走回天字一號客房， 腦海中盡是參與者的愉快的笑臉， 令我忘卻了眼前的簡陋， 在滿足的心情下徐徐進入夢鄉。