文章

目前顯示的是 十月, 2020的文章

參加者後感:Not Alone 的閨蜜.頌缽.慶生.一期一會

圖片
美女與野獸 缽cation 後,野獸曾經問我,點解唔喺嗰篇後感中寫上胃部不適食滯咗的美女在過程中得到舒緩,張開眼第一句就係嗌:「好肚餓!」原因好簡單,哈哈,呢一類嘅治療後感應該由參加者親自寫出,咁樣先有說服力,否則只係治療師大吹法螺🐚吧!呢一篇,就係真正參加者第一生寫出治療對她的正面轉變,這樣才有真正的感染力。😘😘😘 每一場 缽cation 都係為參加者嘅精心策劃,根據佢哋嘅需要及對佢哋嘅了解而決定內容,呢一場慶生缽cation,就好想為欠缺自信及怕孤獨的H加添對自己的確認及正面的能量。 在這一年,陪伴及見證著H由哀傷低谷中慢慢走出,由過份依賴耍小性子到開始有自立、欣賞自己及較成熟的處事能力,一路走來雖不容易,但逐漸見到成果,這是令我感恩的,更想你知道,可以選擇把重要位置留給在善中相識的人,其餘的無謂人,讓他們隨風消逝吧,別忽略自己的真實感覺呢,you are not alone🎈🎈🎈! 且看看H的真心分享~噹~🌟🌟🌟 參加者後感:Not Alone 的閨蜜.頌缽.慶生.一期一會 早前看到Serina有不同主題的缽cation ,而我想今年生日可以放鬆啲,開心啲,所以就向她提出想搞個生日 缽cation 。 她問我有無閨蜜和我參加,其實我有啲怯,本來想自己去咋,有無人肯同我參加呢? 結果同我去嘅人身份好特別,是我舊同學,亦係介紹我入去佢公司返工的人。🥰 我問佢我生日佢得唔得閒,我要帶你去一個地方,咁佢就俾我賣豬仔去咗!🤣 去到嗰度兩個人傻更更咁,我朋友係無聽過頌缽的,首先Serina就問我哋點解會嚟呀,我朋友有乜需要要嚟。我就答:「因為佢工作家庭都好忙,所以要輕鬆下😇。」 因為我朋友係我上司,咁Serina就問佢覺得我去咗佢公司做覺得點呀,聽到我越嚟越熱🤪,因為我聽到緊張😓。 朋友好老實道出我好易鑽牛角尖,係咁不停鑽,我就話係呀,我好易只望到張紙的一點,而望唔到整張紙😝。 我朋友就安慰我,話我其實做到,因為唔肯問,所以到最後仲衰。老師又道出我自信心不足的問題,然後我倆大約講下對 缽cation 的期望就開始啦⋯⋯ 由於樓下有電鑽聲,老師初時都擔心會影響我們的聽缽過程,點知佢叫我哋慢慢呼吸,再講下星空,繁星點點,我們已經瞓著咗! 其實話瞓咗覺,我好似仲有啲知覺嘅,然而又好似聽唔到老師講啲乜,頌缽聲音好好聽,係令我輕鬆的,個腦清空的感覺。

Birthday Bowlcation ─ 閨蜜‧頌缽‧慶生 ‧ 一期一會- 已滿

圖片
慶生缽cation又再出動! 今次缽cation收到的order,是要為一對閨蜜炮製一場慶生聲頻之盛宴,壽星女想約埋閨蜜在她特別的日子一起聽她喜歡的頌缽,一齊relax輕鬆下。 能夠跟閨蜜開心share自己喜愛的東西是幸福的!壽星女,你要記住,you are never alone!❤️❤️❤️ 一期一會,Birthday Bowlcation! 期待!噹~ 『 Birthday Bowlcation ─ 閨蜜‧頌缽‧慶生 ‧ 一期一會- 已滿』 日期 : 2020 年 10 月 17 日 ( 星期六 ) 時間 : 2 :30pm - 4:00pm  地點 :上環蘇杭街110號8樓,Alive催眠治療工作室

美女與野獸.頌缽.馴獸.一期一會後感🎈🎈🎈

圖片
馴獸,絕對不是衝著野獸而來,而是伴侶間需要各自努力馴服那隱居於心內那充滿尖刺、充滿不安惶恐不懂表達的小怪獸。  是次活動的小情侶均是相識的,哈哈,才會訂出「美女與野獸、馴獸👸🏻🧟」這如此玩味濃厚的節目主題🤭。兩人只是抱著想聽頌缽的心,而我,卻抱著濃濃的祝福,想藉著頌缽兄弟送給二人。感謝二人的信任,給予我在此次活動中有絕對的自由度,才能炮製一次與眾不同的「缽cation」,希望為二人帶來驚喜。🤪🤪🤪 每個人走在一起,總會帶著過往的歷史、經歷及創疤,知悉二人走在一起並不容易,故以深情對話作前奏,引領二人敞開心扉,認知大家為雙方帶來的轉變,再在頌缽兄弟的演奏下,為對方送上最誠心的祝福,甜品當然係劉青雲嘅加持,給予更穩定的力量。 🔥🔥🔥 很享受是次缽cation!欣賞二人能給予溫柔的空間讓對方成長,成就對方,而非試圖改變對方滿足期許。聽到兩人為對方送上的衷心讚美及祝福,哈哈,以及抵死的篤爆對方的陋習,我的心也很感動,一段成熟的關係不就是這樣嗎?能夠欣賞對方的好,亦能夠接納對方的缺點,幽默面對,互相包容,互相提點,在生命路上的順境逆境中扶持成長!💁💁💁 正如演奏後的分享,「聽到劉青雲把聲,就好似將障礙及唔好嘅嘢推開」,希望你哋兩個能夠繼續將唔好嘅嘢推開,畀多啲信心自己,自自然然就可以行出一條屬於你哋嘅路,誠心祝福,噹~❤️❤️❤️🙏❤️❤️❤️

Friends Bowlcation ─ 摯友‧頌缽‧療傷 ‧ 一期一會- 已滿

圖片
在追月之日,兩位受痛症困擾的摯友,相約在頌缽的擁抱中療傷。 一期一會,Friends Bowlcation! 痛楚散退! 噹~ #能跟摯友一起聽頌缽是件幸福的事 #淨係個活動名稱已夠療癒 #好有過兒姑姑feel #頌缽 #西藏頌缽療法 #一期一會系列 #缽cation #Bowlcation #一起進入缽cation的時代🤣🤣🤣 Friends Bowlcation ─ 摯友‧頌缽‧療傷‧一期一會 日期 : 2020 年 10 月 2 日 ( 星期五 ) 時間 : 3:30 pm - 5:00 pm 地點 :上環蘇杭街110號8樓,Alive 催眠治療工作室

學員分享:西藏頌缽療法初階 ㄧ正念.由心出發❤️ (第四十五屆)

圖片
跟學員A的相遇,真是機緣巧合。對西藏頌缽療法有興趣的她,接受過小店一節的治療,便跟友伴一起上我的初階課程。 課堂中,她跟我分享了很多她在其他身心靈課程中的中伏事件,雖然神神化化千奇百怪,但也有不少學員報讀,亦有不少人會相信,這才真正奇妙!或許,正是捉緊現代人心靈脆弱以及急功講求即食的心理,以快行先,拎張證書,而不是基本概念、鑽研練習及打好根基。🤦 報讀課程時,真係要睇清楚導師的profile,師承何處,是否有確實的真正臨床治療經驗,而非紙上談兵的教學經驗,減少中伏嘅機會!🤓🤓🤓 由初次見她時的滿臉淚痕,到在最後一課時,看到她臉上綻放出爽朗愉快的笑容,心輪打開了,開始放下包袱,祝福她能繼續善待自己,做返自己,好好保護自己個心❤️❤️❤️! 且看看A的分享! 學員分享:西藏頌缽療法初階 ㄧ 正念.由心出發❤️ (第四十五屆) 機緣巧合下參加咗西藏頌缽療法初班,比想像中有趣及實用。 Serina是一位非常有經驗的老師,教學認真得來又不失生動。上完堂之後有信心可以運用喺日常生活之中。 沒有加入過多其他的原素,而是真真正正教授一套可以Healing自己及別人的手法。 最後,一切最重要的都是正念 - 由心出發。噹~~!:)