文章

目前顯示的是 十一月, 2019的文章

學員分享:西藏頌缽療法初階-好有心、好有心、好有心嘅有心人

圖片
雖列明非誠勿擾,總會遇上運桔嘅人。第40屆西藏頌缽療法初階,遇到位「疑似」想學嘅人士,了解過後,夾好時間,跟住放飛機,令另一位同學空歡喜。我萬分唔好意思,唯有在facebook再登招生post,仲要將重要嘅嘢「好有心、好有心、好有心」講三次,半小時內就收到呢位好有心嘅同學查詢,撮合這次課堂。 兩位學員抱著喺其他舖頭購入嘅頌缽,以及大量問題嚟上課。我花咗唔少時間解答呢兩位問題少女嘅提問,哈哈,亦因為有實物喺手,可以畀佢哋分辨到何謂好嘅頌缽聲音及震頻。雖然有啲殘忍,因為佢哋買手上頌缽嘅時候,真係覺得好聽才買,估不到接觸到真正好貨色時,原來係相差咁遠,有比較,才知the best is yet to come,亦從我手上捧走美妙嘅古董頌缽。 除咗好聽之外,哈哈,美妙嘅古董頌缽亦成為呢位好有心嘅學員愛貓嘅貓窩!收到學員發給我她練習時貓貓反應嘅照片,以及貓貓窩在頌缽內填滿所有空間嘅溫馨,原來唔只佢,佢嘅貓貓都好喜歡呢啲珍藏! 請看看這位好有心嘅學員嘅感想吖! 學員分享:西藏頌缽療法初階-好有心、好有心、好有心嘅有心人 一年前已經想學頌缽,但卻沒有下決心。直到最近,因為某些原因,終於下定決心學。 本來諗住跟Serina學,但發現無開班,我亦搵唔到partner 自組,所以喺坊間找了另一間報名而且錢都俾埋,點知佢取消。我果刻有啲徬徨,有諗過要喺facebook公開找partner。點知呢個時候,Serina 喺 facebook post要幫人搵一個”好有心,好有心,好有心”既女仔做partner,我當時真係好surprise,亦係post 出咗唔夠半個鐘就舉手報名。 上咗兩日堂,我同partner 亦好夾,課堂亦令我長了不少知識。好感動既係所有野都好有緣份咁走埋一齊,而我哋呢2個問題天天都多既學生亦已經相約好12月再上中階。期待中。

休假啟示:25.11 - 11.12.2019

圖片
東主散心! 東主散心! 東主散心! 哈哈!重要嘅嘢亦都係要講三次! 今次由慣常嘅有喜轉為散心, 大家都應該會明白我嘅意思! 小店將於25.11 - 11.12.2019休假, 12.12.2019 照常營業! 各位想預約嘅朋友, 敬請抓緊東主長假前嘅機會, 早作安排。 沉澱,散完再重整, 為行更遠既路作準備,噹~😄😄😄