發表文章

目前顯示的是 6月, 2018的文章

佛系買缽2018(4)― 參觀頌缽製造工場

圖片
2018.04.19  Imadole  很多朋友及學生都問我,究竟頌缽係咪真係用齊七隻金屬所造成,答案係:係!有良心嘅工場會,冇良心嘅工場就唔敢包! 今日神龍老師喺我苦苦哀求之下,帶咗我去佢朋友位於Imadole嘅一個頌缽工場。佢一直都唔明點解我好想去參觀工場,在他眼中,工場又污糟又熱,成班麻甩佬周身汗臭,沒有什麼特別好看,況且最重要的,那是屬於私人地方,東主及技師們都並不喜歡別人參觀。他要碌他的人情牌才能為我作此次安排,對此,我是萬分感激的! 在我來說,去參觀頌缽工場,是理所當然的一件事嘛!如果你對一樣東西有濃厚的興趣,是會想知道它背後的歷史,以及一切的點點滴滴,我便是這樣好奇及想有深入認識頌缽的一個人了。況且,以現時的趨勢,將來真的未必可以再買到古董頌缽,未雨綢繆,係時候要睇定新缽的質素如何,搵定可以信賴的廠房,唔親自去睇,點知到底係龍定係蟲。對質素及知識的追求,我總是認真的! 入到工場,整體感覺良好,哈哈,地方比上次老師搵我笨,帶我去嗰間講到隻缽曉飛咁濟果間廠寬敞得多。這裡的能量流通,給我一種愉快正派的感覺。 神龍老師介紹我給負責人認識,可惜對方不懂英語,難以交談,但他很友善,由老師作翻譯,靦腆地帶我參觀他的廠房。 他們的手造頌缽生產線,因未集齊七種金屬材料而暫時停止,我只看到用銅倒模做出嘅小缽製作。我聽到後有點感動,原來係真㗎,唔齊材料係會停工!堅持品質,絕不濫竽充數,同之前嗰間曉飛工場完全唔同,呢啲先係老實有質素嘅工場! 神龍老師亦補充,市面上有頌缽係用五種金屬造成,價錢理應比七種金屬便宜,不過有些奸商當作七種金屬般售賣,所以各位買缽嘅時候,真係要小心留意。不過就算係我,我都唔識分邊隻係五種,邊隻係七種金屬造成,哈哈,因為我淨係識得揀古董缽… 雖然冇開生產線,負責人同一位老師傅都用心地用埋佢哋嘅身體語言,講解及示範畀我睇製造頌缽嘅流程,由溶鐵、打鐵、冷卻、打磨, 一一簡單示範。我貪玩拎起嗰隻大鐵鎚,嘩,重到吖。經過呢次體驗,更加感受到每隻頌缽真係匠心獨具、千錘百煉而成,絕對係技師們的心血結晶! 參觀完頌缽工場,匆匆趕回Boudhna,繼續我那挑選頌缽的艱巨任務。

(第卅十四屆) 西藏頌缽療法工作坊(初階) - 已滿

圖片
前陣子跟大家分享過做廢柴的9大特徵,其中一樣是拖延,有見第卅十四屆西藏頌缽療法工作坊(初階)本應於本年7月舉行,但因事改期,一等再等仍未有期,拖拖下拖到12月...... 哈哈,都係唔好再拖了,試下公開招生,以打破這拖住拖住不爽的膠著狀態。如果你未學過頌缽而又有興趣想認真學習或認識的話,可以在FaceBook留言給我,又或者自已組班後跟我聯絡都得,都係果句,非誠勿擾,噹~ 西藏頌缽療法 (Tibetan Singing Bowl Therapy ) ,是古老的西藏保健、養生及治療疾病的方法。 西藏人相信透過頌缽的共鳴共振,可以和大自然的頻率合而為一,達到療癒的效用。 演變至今,經西方醫學證實,它的共鳴和共振可直達人體細胞深處,將磁場轉化並微調身體各器官的頻率,不單可促進血液循環,亦可激發人體的自癒能力,使身體獲得調整與淨化。 治療時會根據人體的七個能量中心 (Chakra 脈輪 ) ,將對應頌缽放在受者身旁或直接放在身上。當頌缽運作時,體內分子會隨著頌缽的音波共振,對身體產生調頻的作用,活化能量的流動,打開因長時間糾結、阻塞的脈輪,化解疼痛不適的部位,令身體的器官能和諧運作。 西藏頌缽療法的優點是不用依靠藥物, 利用自然的方法加速人體療癒能力,令身體的器官能和諧運作,既能達致療效,亦可作保健養生。 聆聽頌缽那優美而沉穩的音色,亦是一大享受,更適合都市人作鬆馳減壓靜心之用。 在此初階工作坊內,你會學習到西藏頌缽療法的運作及基本治療技巧,用作個人靜心或進行簡單治療,亦會在課堂中為你的伙伴進行治療。課堂為兩節,兩人為一班,著重實踐及練習。上課時提供優質頌缽以供練習,親身體驗後有興趣時才代為郵購,挑選真正合用的頌缽。 有興趣的朋友,亦歡迎自組小組,自訂日期,致電 Alive 商討課程安排及細節。 『 (第卅十四 屆) 西藏頌缽療法工作坊(初階)』 日期 : 12 & 19 / 1 /2019 (六) 時間 : 9:30am – 1:00pm 地點 : 上環蘇杭街110號商業大樓8樓 費用 : 每人$3000 付款方式 : 即場現金支付 報名方法 : 請致電9014-3122或發訊息至 Facebook @BeAlive 跟本工作室聯絡。 對象 未學習過頌缽、想平衡生活、對自我療癒及對西藏頌缽療法有興趣

佛系買缽2018(3) - 力的表現

圖片
2018.04.18 加德滿都 登上神龍老師的汽車,已經是十點半了,只比預期遲了半小時,已經算是有進步。 以往的我,真的是會傻傻的乖乖坐在酒店大堂癡癡的呆等,但累積了過往經驗,今次我先跟酒店職員交帶神龍老師會找我,若他早到請稍等,然後盡用時間,到市內買水及到銀行兌換貨幣。 走到街上,發現真的有很大轉變,不少商舖轉為由中國人經營,看著那些店名,什麼「XX旅館」、「四川XX」、「成都XX」、 「XX麻辣火鍋」,真的很唏噓,當地的租金亦難逃被中國人炒高的命運… 唯一不變的是那亂糟糟、橫衝直撞的交通,以及超級污濁的空氣。坐在車上的我也不敢把口罩除下,更被神龍老師取笑不認得我,只看到我一雙眼。我認真的告訴他我有鼻敏感,每次去完尼泊爾都會病個多星期,所以今次特意買了一款日本製造、包得密密實實的口罩,只露出雙眼,如非必要,老虎蟹都唔會除底! 去到Boudhna,神龍老師先跟我共晉午膳,互道近況,然後再到他那儲物室開始挑選頌缽。 他要準備到泰國公幹的事宜,沒空陪我,派了一位女職員協助我挑選。 這次是我去尼泊爾買缽咁多次最辛苦的一次。 以前老師會把每一隻缽列明音調,然後一堆堆的放在地上,畀我自己靜靜地挑選。但今次佢冇先作準備,頌缽全放在架上,亦全無標明音調,我要先分門別類,捧起每隻缽試音,再貼label ,之後才能專注聽聲及檢測震動。 那位女職員是新入職的,沒什麼經驗,佢好怕我會將架上的頌缽撈亂,堅持由她親手將缽由架上搬下來給我,然後望實我揀缽,令我有點不耐煩,我真係寧願自己一個揀,好過比她望實。不過有她在亦有好處,哈哈,可以幫我由架上搬來搬去,以及幫我貼label,起碼都慳番我一啲體力。 呢日亦係我最痛苦嘅一日,咁大個女第一次一日之內,捧起200+隻缽來試,當中有些真係好重好巨型的,真係手都軟,係真㗎,對手係軟曬,抬唔起。慶幸當中有些頌缽的質素甚佳,亦有令我驚喜的 special sound, 不過較難搵的 D及 E 今次也欠奉。 神龍老師說他另一個倉會有貨,叫我畀啲時間佢今晚去搵,明天早上再來試缽。老師隨即在儲物室中找出他那珍藏的concert bowls,細心地試音,為我配好了兩套,叮囑我其中一套是珍藏品,唔好買畀人。 我再問他能否安排到他朋友的頌缽工場參觀,上次因他朋友的工場放假,只能以放蛇形式帶我去了一間可作反面教材的工場, 親眼

佛系買缽2018(2) - 柳暗花明

圖片
2018.04.18 清晨  加德滿都 早上五點半已經被窗外的晨光喚醒,想再睡,輾轉反側也不能眠,遂開手機檢查一下最新訊息。 勤力的Chitra一早已把飛往 Pokara的航班資料傳送了給我,看著看著,電話響起來,竟然是神龍老師打來給我!可以晨咁早五點幾打畀我,而又機緣巧合可以搵到我嘅,果然係神龍! 電話另一端傳來神龍老師精神奕奕的聲音:「你好嗎? 你嚟咗加德滿都嗱?」… (下刪500字客套對話) 「我哋幾時可以見面?」我入正題。 「我呢排好忙,4月30號吖。」 「吓!我4月24號就要回程返香港喎!」 「我4月20號要飛曼谷做野,要4月30號先返。」 唔係掛,咁大整蠱?約咗我,自己卻飛去泰國,咁神奇! 「 咁我哋只得今日同埋聽日可以揀缽!你今日得唔得閒呀?」我一定要抓緊時間。 「好呀,我出嚟搵你食早餐喇。」 「不用了,我酒店包早餐的。」  「咁我十點鐘左右來酒店接你?」  「好呀,到時見。」 我真係一額汗,只得兩日揀缽,其實有些危危乎,但別無他法,唯有見步行步。哈哈,今次果然係佛系買缽,只要緣份到,神龍老師自然會出現,仲好好彩咁攝倒兩日時間! 定了時間,我的日程安排就易辦得多,隨即跟Chitra 相約,請他替我訂4月21日的航班,先擬在山上住三日兩夜,去到看看實際環境再計劃餘下日子的安排。 一切辦妥已是早上七時,洗個面,去餐廳食早餐,儲備好能量,迎接今日嘅大作戰!

佛系買缽2018(1) - 緣份到,自然會…

圖片
2018.04.17 加德滿都 每一次選購西藏頌缽,都係一趟艱辛的旅程,有睇過我過往網綕分享的朋友都應略知一二,今次也不例外。 我以往是儲夠一定的訂單才到尼泊爾選購頌缽,但有見能買到優質手造古董頌缽的機會越來越小,價錢亦被可愛的同胞炒得越來越貴,所以在去年10月,雖然手上只得一、兩張訂單,已聯絡神龍老師落單訂購頌缽及gong,希望盡可能有機會時入多些貨,以免將來想要都無。係真㗎,我預期以後嘅學生或者只能買到新做嘅手造缽,質素同治療效果真係會相差很遠的。 神龍老師話有貨,叫我飛過去。鑑於過往的慘痛經驗,今次堅持要他拍照給我過目,並列明尺寸,證明真的有貨,我才飛過去。他應承了,說次天發相給我,就係咁,哈哈,擺擺尾,又玩失蹤。 直至12月我在東京旅行時,收到神龍老師的訊息,他說已找齊我所需要的貨物,叫我三日後到尼泊爾。我聽了後啼笑皆非,告訴他我身處東京,一星期後才回香港,最快要1月才可以到尼泊爾。就係咁,神龍老師又擺擺尾,直到今年三月尾才再出現,說四月頭有貨。 我早已安排好工作,不能臨時取消,遂問老師能否等到4月17日才起行,他說可以。我訂了機票,起飛前一星期再和他reconfirm見面的時間地點,誰知神龍老師停留在他的佛系異度空間,電話唔接,訊息唔覆,直至我上機果刻,都搵佢唔倒。 我嘅心情係點?哈哈,聰明嘅你應該會估到。我真係有考慮過取消行程,不過唔想浪費咗張機票,不如嬲嬲哋走去行山算數!在登機閘口前,聯絡我在加德滿都經營旅行社的朋友Chitra,請他為我安排。碰巧他在他那山卡啦的山區環保度假村內,邀請我去探訪他。 去他的Eco Lodge 路程崎嶇,要乘內陸機到 Pokara ,再轉乘一小時的士或巴士到小鎮Lumie,再行一小時山路才能到達。最大問題係我拖喼,點拖住個喼行山呀?佢叫我盡量將行李留在加德滿都,只攜帶必需品上山,並會安排挑夫幫我拎個喼。我告訴他我要考慮一下,到達加德滿都後才回覆他。就是這樣,我帶著蝦餃就蝦餃燒賣就燒賣的隨遇而安大無畏精神上機,展開我的佛系購買頌缽之旅。 航班降準時落加德滿都國際機場,我亦將我的模式,哈哈,轉為低效率、要大量耐性的Nepalese Style。我順利過關,在混亂的行李帶等了個多小時才拿到行李。 一出機場門口,慣性的人頭湧湧,不同的酒店及團體舉著人名牌來接機。我在人潮中找到一個"近似"