發表文章

目前顯示的是 12月, 2011的文章

末日前的快樂聖誕

圖片
有說2012年12月22日會是世界末日, 我不太相信,你呢? 就算真的發生,大家怎也避不了, 還是享受此時此刻最化算。 總覺得時間係唔會等人, 不論是末日與否, 都要把握每一刻做值得追求的事, 別再拖延,別讓此生留下遺憾。 Dont't worry, be happy! Wishing you a Merry Christmas & a Happy New Year!

唐卡的故事 (結局)

圖片
『你整爛我幅畫,我真係好唔開心, 而且你一點誠信也沒有,枉我相信你有裝裱的專業。 既然你咁講,我就唔俾錢,麻煩你將三幅畫包起。』 我把已拿出的五百元紙幣,緩緩的放回錢包。 那女士估不到我有此反應, 不作一聲,黑著臉把畫包好。 拿了畫後,我則走到銀行, 把原該支付的費用率數捐贈給奧比斯。 既然她說做人要有慈悲心腸,那我便做好心, 替她做善事,哈哈,亦當作替她積福。 整件事中,我慨嘆的並不是那多出了的六個洞, 而是那女士的自以為是。 她竟可以顛倒是非黑白, 自己做錯事卻反過來責怪我『執著』。 而我們身邊,越來越多這種自以為是,不顧及他人感受的人。 香港,真的變了…… 故事到此為止,有獎競猜遊戲的獎品亦名花有主。 鼠鼠,得閒o黎領獎啦,我班頌缽兄弟等你呀!

唐卡的故事 (中) 暨有獎競猜遊戲

圖片
三天後,我再到那舖頭, 看到的,是我那宇宙已被釋放, 不過,右上角之前被那張古怪的黑色紙蓋掩著的六個釘書釘洞洞, 那因師傅疏忽而造成的六道『傷痕』,亦同時被釋放了! 我的臉,即時變成黑臉琶鷺。 『呢幅畫,點解會多o左六個洞,你整爛o左我幅畫喎!』 『阿小姐,我解釋俾你聽,阿師傅拉呎要釘洞的, 咁幅畫先會直身好睇,呢個位已經係拉到最盡喇。』 雖然佢隻隻字字都係講中文, 但係我真係聽唔明點解拉呎會整爛我幅畫。 我繼續跟她理論,但因唔想悶親大家, 所以將她的強詞奪理省埋。 『阿小姐,我已經好努力咁補救, 自問亦盡心咁幫你做,你都唔滿意, 我都無辦法,而家唔收你錢,你拎番o的畫走啦。』 你整爛我o的野,仲講到我好似雞蛋裡挑骨頭想攞著數咁? 『我份人好公平,呢兩幅我都滿意, 淨係呢幅你整爛o左我個宇宙,我好唔開心, 我唔想好似佔你便宜咁。』 『阿小姐,咁我收你$500啦,呢幅宇宙我唔收錢。』 當我在考慮之際,亦都準備拎錢畀之際…… 『阿小姐,做人既野,係有因果o架。 做人要有慈悲心腸,我已經當善心咁唔收你錢, 就當做慈事啦。你呀,都唔可以咁執著, 幅畫多o左六個洞,都唔會影響畫既內容o架,係無分別o架。』 吓,咁講野都得既,整爛人既野,叫人唔好執著, 咁即係話,我o係你塊面加多六個洞, 都唔會影響你係一條廢柴既事實! 我真係忍唔住笑,亦終於發覺到, 跟她再談,只會浪費我既精力。 結果,係喎,結果會係點呢? 究竟我會點做? 果個跟唔係佛教徒既我講慈悲既女士又會有咩反應呢? 唐卡的故事有獎競猜遊戲 為增添趣味,首三名估中我反應及最後做法既朋友, 將會免費獲贈西藏頌缽療法一節。 參加者可將答案在本網誌或在Facebook群組內遞交, 截止日期為12月16日。 答案及得獎者將於12月18日在網誌內公佈。 哈哈,睇下有無人可以估中先,唷!

唐卡的故事 (上集)

圖片
是次尼泊爾之旅的其中一項收穫,是買了三張漂亮的唐卡。 雖然不是佛教徒,但一直都對唐卡甚有興趣, 那精細的畫工,撇除宗教的角度,確是非常細緻的藝術品。 可惜一來不懂挑選,二來怕被劏到一頸血,所以一直都沒有購買。 在老師的引領下,終於在加德滿都的小商店內, 購買了三張由喇嘛親手繪畫的唐卡。 係呀,係喇嘛的真跡,而不是普通畫師的手筆, 因此這三張唐卡特別有價值! 尤其喜歡那張銀底珍珠色的唐卡, 清麗脫俗,一看便愛上了。 回港後,滿心歡喜的在網上搜尋裝裱唐卡的商店, 將我的唐卡帶到銅鑼灣一間『聲稱』擁有豐富裝裱唐卡經驗的商店, 我的惡夢,便由此而起。 我的要求很簡單,不要咭紙托底,不要裝飾, 只想配襯一個簡單的畫框將畫裱起,以突出唐卡的內容。 我將此要求清楚明確地告訴那裝裱公司的女負責人, 亦告訴她我雖不是佛教徒,但那唐卡盛載著老師對我的誠心祝福, 有著獨特的意義。 那女士興高采烈的告訴我他們之前替過不少客人裝裱唐卡, 在她公司網頁上展示的唐卡,只是部分作品, 而且個個顧客都很滿意,叫我放心交給她,一定可以滿足我的要求, 並說四天可以完工,完工後會通知我。 等了一星期還沒消息,致電一問,那女士雀躍的告訴我已經完成, 而且師傅替我作主,加了咭紙,整得好靚好靚。 『吓,我講明唔要咭紙襯托喎。』我的心不禁一沉。 『好靚o架。你過o黎睇下先啦,包你滿意,唔靚唔收你錢啦!』 去到舖頭,見到實物,完全不是我所要的。 我不作聲,沉著氣,細心檢查那完成品。 那自以為是的女士自顧自吹噓師傅幾好心機整得幾靚, 說我一定會好滿意好滿意。 檢查完,真係火都o黎埋! 三張唐卡邊位的部分內容均被襯托咭紙掩蓋了, 尤以那張代表宇宙的最可憐, 不但失去應有的空間感,被逼困在畫框中喘息, 角落處還不明所以的被加上了一張古怪的黑色紙! 當時我係點樣控制我的怒火,我真係唔多記得, 只係好冷靜咁將每張唐卡的問題告訴那女士。 『阿小姐,我解釋俾你聽,你張唐卡唔係直呎, 師傅托咭紙要拉直線,咁先整得靚。』 喂喂喂,問題係,我由始至終,無話過要托咭紙喎。 『阿小姐,我解釋俾你聽,阿師傅好快手咁跟佢意思整o左, 我都控制唔倒,不過而家出o黎效果都好靚呀。』 張咭紙掩蓋著畫的內容