弊傢伙‧網頁被抄點算好

如果有一日,發現你自己一手一腳製造既網頁, 畀一個自己認識既同行新手催眠治療師抄襲, 你會有咩野反應呀? 咁不幸o既事,就係發生o係我身上。

都知道擺資料上網, 預了被人看,預了被人用, 但沒想過連風格、內容甚至顏色, 一句唔該都無就被抄埋,八成似, 對方仲要係你認識, 開業前以師妹身份問過你攞資料的。

啞忍算數?不會。 不知情者不知誰是誰非, 倒過來誤會係我抄佢網頁咪大件事? 為了保障自己,還是公開此事為佳。 一來讓她知道我知悉佢抄我, 二來讓她知道佢已失掉誠信, 三來讓她知道我不會再傻兮兮被她利用。

寄了電郵向她表達我的發現, 也不帶太大期望, 哈哈,唔通抄你果個會話: 係呀,係我抄你呀,吹咩?

結果一如所料, 將所有責任推落設計師身上, 聲稱自己沒有看過,對事件一概不知, 連一聲對不起也欠奉。 換轉是你,你會相信嗎?

結果係點?她換湯不換藥, 將最相似的那頁客戶分享改了highlight的顏色, 改了部份標題, 又將服務那頁的chart刪走, 但整體 style 依然是一樣。

嬲?有呀,嬲到十日十夜瞓唔著, 哈哈,胡扯吧,只是無奈及失望。 當初本著助人之心,真心希望能協助她, 多個同行去幫人都好呀。 但由此事看到她的機心、計算及品德, 有被利用、出賣的感覺。 唔,又上了寶貴的一課了。

如果她有幸看到此blog的話, 只想奉勸一句, 一個好的催眠治療師要有專業操守, 而我,再也不想跟她扯上任何關係了,阿門!

留言

  1. 不健康心態,我寧願做差個個都5想做複制品。每個人都有自己特色,抄人扼殺人努力更侮辱自己。個個師妹禁5信仰自己能力。佢幫5幫到人嫁=.=。

    回覆刪除
    回覆
    1. Cara, 佢o既功夫係點我不願置評,但就此事件上的做法真是要不得。

      刪除

張貼留言

這個網誌中的熱門文章

(第四十五屆) 西藏頌缽療法工作坊(初階) - 改期

窩心的客戶分享 - 控制情緒排解壓力不再撞牆

自我催眠小方法: 放下頭腦進入夢鄉