不丹治療手記(三) – 大排檔小炒

4月4日,早上九時半,約好的集合時間。 在lobby呆坐至10點半,那職員才出現。 唉,真係唔知不丹人係咪快樂得滯, 生活悠閒到連時間觀念也與別不同。

見我玄壇似的臉容,那職員不好意思的向我道歉, 叫我再等一會,會有另一位司機載我到Wangdue。 虛耗多15分鐘的青春後,車子終於到了, 把我這隻豬仔交到另一位司機手上,便逃難似的離去。

踏上崎嶇的山路,向著Wangdue進發。 路並不好走,綩延狹窄的山徑本已難行, 加上要留意迎頭的大型貨車, 以及閃避路邊因前陣子大雨倒下的山泥, 三個多小時的車程便在『登燈登櫈』的情況下渡過。

下了車,跟這裡的經理Palden會面, 握手的時候,傳來的,竟是陣陣的殺氣! 跟Palden一邊用午膳,一邊傾談, 亦都好似大排當小炒一樣,正式落鑊開火!

Palden是老闆的妹妹,負責這裡的日常運作。 她劈頭便說兩天前才收到我會到訪的通知, 感到十分訝異及震驚, 哈哈,我覺得我既震驚一定唔會畀佢少!

見她那不太友善的態度,我也實話實說, 說我對這次安排非常不滿, 我亦將我的要求講出:場地、器材、佈置、人力資源, 寧願盡快開工,唔想浪費時間跟她糾纏!

『酒店爆哂,俾唔倒房你瞓,亦俾唔倒房你攪workshop, 個人治療及諮詢,可否到客人房進行?』 『線香、candles及播音機已準備,color printer稍後set, 瑜伽地蓆要到首都先有得賣,現在只可以畀膠蓆你。』 『我班員工好忙,好難就倒時間o黎上課。』

我真係張大咀巴望住佢,唔知講咩好, 應該係話,唔知仲可以講咩好! 山長水遠o黎到幫你做員工培訓, 場地又無, 連人都唔肯交畀我, 即係叫我咩都唔駛攪,執包袱走人呀?

我按著怒火,嘗試去將問題解決, 更嘗試去了解為何她會有如此惡劣的反應。 後來才知她跟老闆不咬弦, 覺得是次計畫與她無關,更重要是,唔想做額外功夫……

『不是說只有一、兩天要住Farm House嗎? 你們有個Conference Hall,可以用來攪workshop喎。 去客人房做治療,一定唔可以,我有獨特setting的。 膠蓆要看看實物才可決定,否則可以畀毛氈我。 你不是可以編排員工的時間嗎?』

漫長的抗爭就此展開,努力爭取我想要既野, 沒有的話,便退而求其次, 看看有甚麼資源可以用, 因為早已知道這裡是不丹,物資比較短缺, 但沒想到,會遇到這樣難纏又不合作的傢伙。

驚喜接踵而來。 去到可容納100人的Conference Hall, 嘩,好大喎,木製的地板及天花令人感覺自然舒服。 起初怕我的頌缽會唔夠聲,但試過聲後,好好聽呀, 木地板傳音傳聲,連頌缽的震動也能傳遞,真係精彩!

初步估計如參與者能舒服躺下,彼此間又有空間, 最多可容納15人,遂向Palden要求預備15張毛氈。 『要咁多做咩呀?我覺得無人會參加,最多咪只得5個!』 相信我,我真係好想打佢! 最後,佢大發慈悲,安排了6大張毛氈,善哉善哉!

留言

這個網誌中的熱門文章

(第四十五屆) 西藏頌缽療法工作坊(初階) - 改期

窩心的客戶分享 - 控制情緒排解壓力不再撞牆

自我催眠小方法: 放下頭腦進入夢鄉