頌缽好聲音：Tibetan Singing Bowl Mini Concert for Friends - 高階學員後感 3

今次的頌缽演奏會中，有兩位參加者都參與了我第一次的演奏會， 這位高階學員B是其中一位。

經過第一次演奏會後，哈哈，B，便被頌缽所吸引，成為我的學生，亦陪伴我在頌缽的成長過程中，走了一段又一段的路， 給我不少啟發，在靈性上的修為及知識，她，確實比我高，感恩沿途有你！

且看看B的分享！

頌缽好聲音：Tibetan Singing Bowl Mini Concert for Friends - 高階學員後感 3

今次係我第二次參與西藏頌缽療法演奏會。

上次我對頌缽未有任何認識，只係帶住好奇又興奮嘅心情瞓喺地度。我覺得嗰次有唔少人都係帶著和我差不多嘅心情嚟嘅。整體氣氛輕鬆，純粹。成件事我覺得很新鮮，身體有些地方有痺和痛嘅反應，relate到當時嘅身體狀況，覺得頌缽好神奇。不過嗰次咁啱隔壁的房在練鼓，鼓聲有點阻礙咗享受過程。

今次需要做leader，一開始冇咁快放鬆到，因為頭腦仍然不停在轉，在想東想西。雖然係咁，喺第一round，Serina敲第一下時我嘅third eye chakra已經即時有反應了，好有感覺。(身體的反應係直接而且誠實的，哈哈哈~)。對我嚟講依round係光燦燦的。因為宣布開始後我沒有睜開過眼睛。完左之後先至知道只係自己頭頂上有一排射燈亮著，其他全都已關掉，仲以為冇熄過燈呢~ (笑)

第二round時，自己用衫擋住啲燈光後，我好快便集中到喺只有自己和頌缽嘅世界入面，感覺著自己體內能量嘅流動。然後意識慢慢地擴張，越過了physical body的界限。全程感受著身體與內在的連結，以及於當下純粹的「我在(presence)」。

我覺得兩節演奏都很好。Serina演奏時每隻頌缽嘅反應，可能就好似平時做單對單治療咁，表達緊在場所有人嘅集體潛意識和能量狀態有啲咩特點吧。依班人裡面或者有某種共通點呢！

對頌缽認識深咗，便漸漸了解到頌缽唔單只係「聽歌」咁表面嘅嘢嚟。每節短短十幾分鐘的演奏，是讓聽者可以體會到頌缽(自然能量，頻率)和身體之間的關係嘅過程。講得更闊一點，就係人與天地萬物之間在能量層面上有所連繫的一種體現。

最初對頌缽沒有任何認識，所以只停留咗喺「好有趣啊！」嘅一種沖擊裡面，未懂背後嘅原理。而家學咗頌缽，亦學咗其他和能量有關嘅concept，可以更立體地去理解了。

我幾鍾意buddies' time這慨念和環節喔！因為可以讓未認識頌缽嘅朋友更近距離地接觸頌缽，試玩，交流經驗。一開始知道要帶組係有點壓力的，不過調整咗心態，有咗idea點樣帶組，和夜麻麻搵咗隻頌缽出嚟預習，rim第一下就覺得很完美(冇練一排卻rim得咁穩定又冇怪聲，超開心~)之後就冇哂壓力啦！咁快調節到心態，轉化埋壓力，係依幾年來我學習的一切嘅成果！(雖然如果日頭工作壓力大的話，因為個mind太執著，太死腦筋，通常都冇咁快跳得番出嚟嘅，仍需多aware呢~)

感謝Serina把頌缽帶來我生命裡！佢成為咗我學習能量嘅契機，成就咗現在嘅我！