尋寶•要趁有氣有力(9) - 曬。馬

 

返到香港，終於可以放心病了！
每次去完尼泊爾都會病一星期，
想不到今次竟要用三星期對付頑強的加德滿flu，
善哉善哉。

飛機於清晨抵達香港，
回到家，終於可放下防衛，不需再硬撐，
躺在床上睡個賊死，
身體重甸甸熱烘烘的開始發燒。
我的身體今次真係發了封好嚴重的 warning letter畀我…

哈哈，相信大家對我的患病沒有什麼興趣，
還是長話短說返回我的頌缽故事吧！

Bachua 真係好快手，
批貨星期一已經到香港。
我成隻軟腳蟹咁返公司收貨。
一看，怪不得packing要5kg，
原來用了厚實的大木箱，
又釘又鐵索帶，重到呢，
真配服那送貨的速遞員！



隔了兩天有番少少力才處理批貨。
望著那packing的鐵索帶，
真係R哂頭，
點樣可以整斷佢呀？
唯有落樓下五金鋪買鐵剪。
有見只會用一次，
便膽粗粗問店員能否租一把鐵剪給我，用完即還。
他竟爽快地說免費借給我，
只需放下100元按金便可。
這便是小舖可愛的地方，充滿人情味，
唔怪得佢有咁多生意啦！
亦發現原來夠膽問夠膽試，
得嘅固然好，唔得嘅都冇所謂，
往往會有意外收穫！


小心翼翼咁開箱 Unpack 批貨，
特別要留心那些木箱的釘，好易令人受傷。
之後開始清理，
點上加持了的不丹香，
播著Lama chanting的頌缽音樂，
逐隻用消毒藥水浸洗，
再用清水洗淨。
唔好睇少呢個過程，
因為啲頌缽真係好污糟，好污糟，好污糟，
哈哈，都唔知佢地呢百幾年來有冇沖過涼。

經清洗後，
頌缽們的真身好靚仔咁呈現眼前。
我把它們排列整齊合照留念，
嘩，真係好壯觀呀，
有點唔捨得將佢哋賣畀人添。

當學生們來挑選訂購了的頌缽時，
看見他們那閃亮的雙眼及愉快的笑容，
我也非常高興。
為頌缽找到一位好主人，
是件很有滿足感的事！
希望他們會好好運用這得來不易的頌缽，
不要浪費我的一番心血。

尋寶，真係要趁有氣有力，
我呢副老骨頭，
哈哈，收完warning letter都要好好照顧身體呢位buddy。
我的2017尼泊爾尋寶回憶錄亦圓滿結束，
多謝大家收看！噹~