美國授課2015 (八) - 朋友係要見面的

27.10.2015 (Tue)
Corte Madera

到了三藩市,我的小天使Amy到機場接我,帶我去飲早茶,然後送我去位於Corte Madera的Airbnb住宿中。

你相信緣份嗎?我信,亦相信Amy是上天賜給我協助我到美國教學的小天使。跟Amy相識於兩年前那班由香港經日本前往三藩市的客機上。她是早已移民到美國的香港人,回港渡假完畢返回三藩市,我則是首次到美國HTI任教,我們就是這樣遇上了。 Amy直言覺得我傻,一個女仔咁大膽拎著重甸甸的頌缽去到咁遠教書,所以一直對我照顧有加,每次我到美國她都會來接我,跟我聚聚,今次亦不例外。有她的接載,真的方便很多,更重要是可以跟她見面,朋友,是要見面的嘛。我跟她見面的次數甚至比大部份在香港的朋友多,原因是甚麼?嘿嘿,你懂的。

Amy工作忙碌,把我送到下塌的B&B便趕回公司繼續搏殺,約定之後有空再聚。這B&B的主人是Jonathan 及 Mary,挑選這裡主要是有廚房可以煮食,又近我教學的地方,只要行45分鐘便可到位於Corte Madera Inn的課室,就算沒有車都可以做步兵。

Mary尚未下班,Jonathan盡地主之宜載我到附近兜了一圈熟習環境,再送我到超市購物,然後才去上班。除食物外,我極之需要一支超強lotion。Alaska的乾燥環境令我嚴重缺水,痕癢難當,嗱嗱嗱,唔好以為去Alaska睇極光好梳乎,no pain no gain,不可只看表面,背後是要付出代價的。

購物步行回B&B的途中真係好開心好興奮。天色開始轉黑,我一直好努力咁認路,但由大路轉入住宅區轉多兩轉便開始混亂。剛才在車上兜圈跟在行人路上所看到的角度很不同,轉下轉下唔知轉了去哪,而且確實被各家各戶精彩的萬聖節裝飾所吸引。

這住宅區每年都會攪萬聖節巡遊,大部分住戶都有參與佈置,仲係堅認真,唔係普通鋪下蜘蛛網咁簡單,而係會噴煙會咆哮有機動裝置,仲係識郁的!其中一戶設置了一隻六尺長裝有感應器的黑貓,牠的頭及視線會追縱路人的方向移動,一路行,真的像被牠盯上;最厲害那戶將整個花園佈置成墳場,一排又一排的古墓像真度極高,加上燈光及煙霧效果,還有個會郁的科學怪人從煙霧中爬出來,真係厲害過海馬公園的哈佬喂。我就係掛住睇佈置行了很多冤枉路,晚上七時才回到B&B。

回到B&B時,Jonathan 及Mary都未返,我可以霸晒成間屋,煮下野食,聽下音樂,真係好free。最舒服係那個有按摩池的後花園,花香醉人,若果加洲不是大旱缺水,我定會開一池水浸在池中舒服看星。

等到10點,任職攝影師的Mary才回來,跟她打完招呼,終於可以安心去睡,明天還要早起到課室取借來的頌缽呢。

留言

這個網誌中的熱門文章

(第四十五屆) 西藏頌缽療法工作坊(初階) - 改期

窩心的客戶分享 - 控制情緒排解壓力不再撞牆

自我催眠小方法: 放下頭腦進入夢鄉