窩心的客戶分享 ㄧ 克服注射疫苗後的焦慮失眠

這是一篇個案很用心寫的催眠治療後感，不想草草處理，留待自己靜下來時，用心地整理這篇內容豐富，牽涉多個層面的後感💁🏻。

H是我N年前西藏頌缽療法中階班的學生，她與R這二人組合，跟我也有點微妙的緣份🥰。較早前某個週六在工作室樓下跟H碰上，談了一會，已有預感會跟她再遇，故收到她的求助訊息，一點也不感意外。

H打完第二劑疫苗後，身體出現不適，特別是心口位置，有心慌、透不過氣的感覺，亦開始有panic、焦慮、緊張、失眠眼光光等天光。頭一晚睡不了，第二晚更有壓力，更加害怕及緊張，怎能放鬆入眠🥱？

這是焦慮的一種，身體有些難以言諭的不適及不安，雖無形但實在，難以跟身邊人解釋言喻，甚至會畀人覺得只係小事，係你過份敏感放大咗件事過份緊張，放鬆就得。哈哈哈，歌仔都有得唱啦：可以笑的話，不會哭~🎤；可以放鬆嘅話又點會緊張？但好多人唔明白安慰嘅技巧，咁樣講反而會令到焦慮者更加不安，好似指責佢哋冇努力嘗試放鬆及幫自己咁。

注射疫苗只是trigger point，了解過H的情況及焦慮背後隱藏的情緒，清除之餘，還勸喻她需要調整某些心態，去感受及分享多些生命中嘅愛，飲食上加添detox的食物，其實很多值得她感到幸福的條件，一直在身邊。❤️❤️❤️

感謝H對我的信任，亦感謝她，哈哈…特別指出我嘅…「慈祥」同「温柔」🥱🥱🥱，係呀，如果可以嘅話，應該要早啲嚟搵我！🤣🤣🤣

且看看H的分享吖~💁🏻🤟🏻

窩心的客戶分享 ㄧ 克服注射疫苗後的焦慮失眠

認識老師都大約有五六年嘅時間，我係修畢初階及中階嘅學生嚟㗎！由於時間嘅關係仲未完成高階，而且一直都欠老師上課後嘅感想，今次終於要還啦⋯⋯仲係呢個情況下還……

最近一次跟老師再聯絡，竟然係要搵老師幫自己做治療！因為打完疫苗後，身體出現咗一啲舊患復發的徵象，而引發焦慮嘅情緒，加上身體不適，嗰種感覺係十分之徬徨無助，無論睇中醫西醫都唔能夠平息當中嘅焦慮不安🤷🏻。

西醫叫你食放鬆藥瞓覺（我好堅持唔食），中醫調理嘅速度又比較慢，每日自己都係惶恐中生活，即使講比身邊嘅人聽，對方亦都未必明白同理解，只會叫你放鬆啲唔好諗咁多，但係試問一個根本唔能夠靠自己去放鬆嘅人又點能夠做到?喺呢個時候我醒起自己個頌缽，雖然都有少少幫助，但係自問功力未夠，身體虛弱到個幾星期瘦咗5磅，失眠加身體不適越嚟越嚴重。

一個星期日嘅早上終於聯絡咗老師，話咗比佢聽我嘅情況，雖然老師當日係放假，但係因為我都係當日先有時間，所以老師二話不說地安排我當日下午去搵佢。其實我都唔知去到會做乜嘢，純粹相信老師會幫倒自己。

當日應該流咗有一公升眼淚吧！記得治療前後嘅提點之外，仲好記得老師比起平時上堂慈祥同溫柔咗好多！！！（嗱，有上過堂嘅同學係會明白的 ）

成個治療過程都令我覺得好安穩好舒適，好似終於有人明白你同點醒你咁，成個人鬆晒，當晚亦都瞓得好好，直頭覺得老師save my life ，將我喺一個深淵度扯返出嚟。

當然治療係一種方式，要保持健康嘅狀態都係要靠自己日常去維持同調整，除咗失眠治療之外，亦都喺另一日做咗頌缽嘅治療。好耐未試過畀老師敲我，過咗15分鐘之後⋯就已經唔知發生咩事～哈哈哈！正常嘅，最重要係敲完醒嘅時候個人好似將一大擔泥掉晒落地下，身上冇咁多負擔，真係好爽。

真心好多謝老師呢段時間嘅陪伴，同埋用心嘅治療和提點！！沒有你日子怎麼過，哈哈哈！！

經過呢次事件之後，不但要重整自己嘅人生同日常時間表，亦都覺得當你遇到有困難嘅時候，必須要搵到合適嘅人選去幫你。所謂合適嘅人選可能係醫生，而我覺得係一個合適嘅治療師，一個好嘅治療師勝過睇十個八個係咁叫你食安眠藥嘅醫生，正所謂心病還需心藥醫係真㗎！世上沒有如果，如果有⋯我會早d搵老師⋯