新城知訊台西藏頌缽療法訪問後感 - 原來食螺絲很快樂



能在大氣電波跟大眾分享西藏頌缽療法是一種緣份。

收到新城知訊台,「原來生活很快樂」節目主持陳美思嘅邀請,到新城電台作一有關西藏頌缽療法的訪問,考慮了一會兒,哈哈,知道唔駛出鏡,亦都想畀更多人認識傳統嘅西藏頌缽療法,便接受邀請。

上一次接受東方訪問已經是兩年前的事了,期間都收到某些邀請,但都婉拒了,始終,哈哈,都比較喜歡低調行事。

上次接受訪問,收到訪問題目,真係好用功,寫定notes,準備好,結果問嘅嘢同真實傾嘅嘢都相差好遠下,所以今次只係睇咗題目一次,知道大約討論的範圍,便帶著平常心,捧了兩隻頌缽去應約。

緊張?當然啦,個心仔卜卜跳,但一開咪,講下講下,個人開始定返啲,開始進入狀態,訪問亦由本擬的20分鐘,添食到兩集共40分鐘。

有興趣聽番節目重溫嘅,可以瀏覽以下網址:

上集:「原來生活很快樂 - 西藏頌缽療法 (上)」

下集:「原來生活很快樂 - 西藏頌缽療法 (下)」

再次感謝Joanne陳美思的邀請及信任。相信我,off 咪嘅談話內容更加精彩,哈哈,不過你地無機會聽到lu。噹~😁😁😁

留言

這個網誌中的熱門文章

學員分享 - 【感受‧愛】- 第廿屆西藏頌缽療法初階及進階班

學員分享:西藏頌缽療法高階 - 甩轆孖寶❤️❤️

佛系買缽2018(4)― 參觀頌缽製造工場