由劏房用家到可以出租劏房

「嘩！好大喎！睇住你由劏房搬到而家，越搬越大！」

這句說話，是由一位相熟的客戶 R 口中興奮地彈出，我聽到都忍不住狂笑。笑的，不是工作室越搬越大的虛榮，（ 講真吖，搬咁大真係好麻煩，花多好多時間打掃）而是當中大家在生命旅程中相伴建立得來的熟絡及情誼。

這個可愛的客戶R，見證了我由皇后大道中跟一班外籍人士 share office，由劏房搬到在永樂街擁有第一個自己獨租的單位，再搬到街尾海景單位，到現在大到都未執好的蘇杭街單位也一直相伴。

而我也一路伴著她，由她失業，到重新振作，搵工，適應，升遷，人事及個人成長，到她終於肯面對自己的感情世界，由山洞裏走出來，一切得來不易。

「 手作仔嘅嘢，希望你會鍾意。」 她遞給我 一盒用鮮花壓成Alive字樣的擺設。「 不過我驚第時你搬，又要搬多樣嘢，哈哈哈！」睬， 凳都未坐暖，又要搬？ 不過個心，真係好甜，呢啲心意，全部收曬。

用心做，真係會有人欣賞， 而一啲有情有義的客戶，更值得我珍惜。R，趁這機會告訴你，我的工作室雖大到可間劏房，但你擁有的，卻是能張開雙手，擁抱世界從新出發的豁達，加油呀，一定能夠追返失去的時間的！唷～^^