❤️學員分享:西藏頌缽療法初階 ㄧ 惜緣.得來不易的緣份☘️

終於遇多兩位可以陪我一起癲、拒絕速食、用心跟古董頌缽打交道談談情的學員!🥰

第五十八屆西藏頌缽療法初階的男子組學員頗有意思,哈哈,課堂中看著他倆由對我必敬必恭,站得腰板挺直「聽候吩咐mode」,到漸漸放輕鬆,流露真性情,享受課堂中跟缽兄們交流的過程,課堂過得專注暢順愉快又有果效。

一位是對古物着迷的古董控,看著頌缽時雙眼會發出閃亮的光輝,真的超想去參觀他的珍藏😍😍😍(應該有機會的,向宇宙許下願先🤣🤣🤣);一位是陽光知性型的圓鼓鼓暖男,喜歡邀請個案一起合上眼睛連結後才開始進行治療。我常笑他「呃」個案合上眼之後,自己又張開眼睛🤣🤣🤣。

感恩遇上這兩位有心的學員,不是因為暖男同學對此課程的高度評價,而是在生命途上能遇上理念相近的同路人是幸福的!感恩!珍惜!🪅第59屆蓄勢待發,如果以後都能遇上有如此特質的學員便好了!乘機向宇宙許下願先🙏🪄🤣🤣🤣!且看看暖男超窩心的分享,噹~💁🏻

❤️學員分享:西藏頌缽療法初階 ㄧ 惜緣.得來不易的緣份☘️

好榮幸可以參加到老師的課堂,讓我感受到認真教學,同埋真係傳承嘅感覺,仲記得當初係好神奇嘅情況下,得知要search 「西藏頌缽」,就會搵到合適嘅老師,然後一search就搵到老師嘅website。

我自己本身對於選擇老師係十分挑剔🤣一方面我內心是比較傳統的人,認為一日為師,終身為師,做人需要飲水思源,所以老師的品格我是相當看重,另一方面,我亦怕學壞手勢,因為咁樣就係一世,特別係用作療癒他人,更加不可以馬馬虎虎,要對對象負責任,所以仲記得當初我係有睇晒老師嘅Facebook,然後感受到佢的品格,以及對於教學質素嘅要求,所以我先會好想跟老師學習。

回過頭,咁快就已經一年有多,哈哈,過程中有好多波折,感恩大家初心不變~所有緣份得來不易,感謝老師嘅努力,讓身體得以康復,真係要講一聲辛苦了🙏🏻亦都感謝自己嘅堅持,一直等待~

作為一個貪食嘅人,老師第1日已經請我哋食士多啤梨,第二日又請我哋食車厘子,可以話係完全知道一個肥仔嘅心諗緊咩,基本上已經係可以落樓下㩒定錢,報定中階級🤣依位老師未免太溫馨了吧!

其實我幾鍾意老師尊重每一個人有佢自己嘅方法,而唔係硬生生將每一個步驟都定得死固固,最重要係老師會俾我哋知道每一個步驟,點解會咁樣做,同埋咁樣做嘅好處,而唔係硬性咁樣去規定,又或者以傳統之名逼你死背,所以好好。

另外我覺得老師所講嘅「心念」,亦都係相當之重要,因為過程中一切嘅念頭,都會透過頌缽帶到唔同嘅能量俾對象,所以祝福嘅心相當之重要,我相信係現今追求速食嘅社會,會多加提點「心念」之重要性嘅導師不多😆難能可貴。

課堂入邊,一開頭我都係好着重步驟、技巧,但去到第二日開始放鬆咗,就識得去享受成個過程,原來做頌缽個人可以咁開心,或者係因為搵到一樣屬於自己嘅法門,拎上手就好有感覺,同埋感受到幫對象做療癒,但同一時間其實亦都係幫自己做療癒,自利利他😍感覺真好。

留言

這個網誌中的熱門文章

靈魂年齡 (Soul Age)

窩心的客戶分享 — 頌缽覺醒

怎樣才能增強頌缽的力量